អ៊ីតាលីអំពាវនាវឱ្យមានការបង្កើតកងទ័ពរួមសម្រាប់សហភាពអឺរ៉ុប

94
0 6

ក្រិក៖ រដ្ឋមន្ត្រីការបរទេសអ៊ីតាលី លោក Antonio Tajani បាននិយាយថា សហភាពអឺរ៉ុបត្រូវតែបង្កើតកងទ័ពរួមគ្នា ដែលអាចដើរតួនាទីក្នុងការរក្សាសន្តិភាព និងការពារជម្លោះក្នុងតំបន់។

នៅក្នុងបទសម្ភាសន៍ជាមួយកាសែតអ៊ីតាលី La Stampa លោក Tajani បាននិយាយថា កិច្ចសហប្រតិបត្តិការអឺរ៉ុបដ៏ជិតស្និទ្ធក្នុងវិស័យការពារជាតិ គឺជាការងារអាទិភាពសម្រាប់គណបក្ស Forza Italia ដែលលោកដឹកនាំ។ លោកបានលើកឡើងដូច្នេះថា «ប្រសិនបើយើងចង់ក្លាយជាអ្នករក្សាសន្តិភាពនៅក្នុងពិភពលោក យើងត្រូវការកងទ័ពអឺរ៉ុប។ នេះជាលក្ខខណ្ឌចាំបាច់មួយ ដូច្នេះយើងអាចមានគោលនយោបាយការបរទេសអឺរ៉ុប ប្រកបដោយប្រសិទ្ធភាព»។

94 free

លោកបានសង្កត់ធ្ងន់ថា «នៅក្នុងពិភពលោកមួយដែលមានអ្នកលេងដ៏មានឥទ្ធិពល ដូចជាសហរដ្ឋអាមេរិក ចិន ឥណ្ឌា និងរុស្ស៊ី ហើយជាមួយនឹងវិបត្តិដែលលាតសន្ធឹងពីមជ្ឈិមបូព៌ា រហូតដល់តំបន់ប៉ាស៊ីហ្វិក ពលរដ្ឋអ៊ីតាលី អាឡឺម៉ង់ បារាំង ឬស្លូវេនី អាចត្រូវបានការពារដោយអ្វីមួយដែលមានរួចហើយ ពោលគឺ សហភាពអឺរ៉ុប»។

លោក Tajani ក៏បាននិយាយផងដែរថា EU ដែលមាន ២៧ ប្រទេស គួរតែសម្រួលការដឹកនាំរបស់ខ្លួន និងមានប្រធានាធិបតីតែមួយ ជំនួសឱ្យរចនាសម្ព័ន្ធបច្ចុប្បន្នរបស់ប្រធានក្រុមប្រឹក្សាអឺរ៉ុប និងប្រធានគណៈកម្មការអឺរ៉ុប៕

94
អត្ថបទពាក់ព័ន្ធ
ក្បាលខាងលើវេបសាយ
Loading...