កម្លាំងព្រហ្មទណ្ឌកម្រិតស្រាល នៃរាជធានីភ្នំពេញ បង្ហាញមុខក្រុមជនសង្ស័យទាំង ៥នាក់ ដែលលួច និងប្លន់យ៉ាងសកម្មក្នុងភូមិសាស្ត្ររាជភ្នំពេញ

94
0 30

(ភ្នំពេញ) ៖ ជនសង្ស័យ​ប្រុស​ស្រី ចំនួន ០​៥ ​នាក់ ដែល​បាន​ធ្វើ​សកម្មភាព លួច និង​វាយ​ប្លន់​យ៉ាង​សកម្ម នៅ​ក្នុង​ភូមិសាស្ត្ររាជធានី​ភ្នំពេញ ត្រូវ​បាន​នគរបាល​ព្រហ្មទណ្ឌ​កម្រិត​ស្រាល នៃ​ស្នងការដ្ឋាន​នគរបាល​រាជធានី​ភ្នំពេញ ធ្វើការ​បង្ហាញ​មុខជា​សាធារណៈ កាលពី​ព្រឹក​ថ្ងៃ​ទី៣០ ខែមករា ឆ្នាំ​២០២៤​ រួច​បញ្ជូន​ទៅ​កាន់​សាលាដំបូង​រាជធានី​ភ្នំពេញ ដើម្បី​ចាត់ការ​តាម​និ​តិ​វី​ធីច្បាប់ ។

ជនសង្ស័័យទាំងនោះមាន៖
១. ឈ្មោះ ជុំ ពិសី ភេទ​ប្រុស ​អាយុ ២៤​ ឆ្នាំ
២. ឈ្មោះ សុង ពិសិដ្ឋ ហៅ​ល្វា ភេទ​ប្រុស អាយុ​ ១៨ ​ឆ្នាំ
៣. ឈ្មោះ ស ច័ន្ទ​កក្កដា ហៅ​ដូច ភេទ​ប្រុស អាយុ ​២៨ ​ឆ្នាំ
៤. ឈ្មោះ អ៊ឹម សៀវ​ឡុ​ង ភេទ​ប្រុស អាយុ ​២៥ ​ឆ្នាំ
៥. ឈ្មោះ កែវ លី​ន​ដា ភេទ​ស្រី អាយុ​ ១៨ ​ឆ្នាំ ។

លោក​វរសេនីយ៍ ឯក ម៉​ម សា​វន នាយការិយាល័យ​នគរបាល​ព្រហ្មកម្រិត​ស្រាល នៃ​ស្នងការ​នគរបាល​រាជធានី​ភ្នំពេញ បានឱ្យ​ដឹង​ថា ជនសង្ស័យទាំង​ ០៥​ នាក់ ត្រូវ​បាន​កម្លាំង​នគរបាល​ការិយាល័យ​ព្រហ្មទណ្ឌ​កម្រិតស្រាល សហការ​ជាមួយនគរបាល​នៃ អធិការដ្ឋាន​ខណ្ឌ​កំ​បូល ស្រាវជ្រាវ​ឃាត់​បាន​ខ្លួន​ជា​បន្តបន្ទាប់ កាលពី​ថ្ងៃ​ទី​២៥ និង​២៦ ខែមករា ឆ្នាំ​២០២៤ ពាក់​ព័ន្ធនឹង​បទល្មើស​អំពើ​លួច និង​លួច​មាន​ស្ថាន​ទង្ង​ន់​ទោស (​លួច និង​ប្លន់​យក​ទ្រព្យសម្បត្តិ​របស់​ប្រជាពលរដ្ឋ នៅ​ក្នុង​រាជធានី​ភ្នំពេញ​) ។

94 free

លោក​វរសេនីយ៍ ឯក ម៉​ម សា​វន នាយការិយាល័យ​នគរបាល​ព្រហ្មកម្រិត​ស្រាល បានឱ្យ​ដឹង​ទៀត​ថា ជនសង្ស័យ​បាន​ធ្វើ​សកម្មភាព ០៣​ ករណីផ្សេង​គ្នា រួម​មាន ៖
– ករណី ទី​១៖ លួច​ម៉ូតូ​ម៉ាក​ ហុងដាឌ្រី​ម សេរី​ឆ្នាំ២០២២​ ចំនួន ០១ ​គ្រឿង នៅ​ចំណុច​បន្ទប់​ជួល ក្នុងភូមិ​ត្រពាំង​ថ្លឹង​២ សង្កាត់​ចោម​ចៅ​ទី​១​ខណ្ឌ​ពោធិ៍​សែន​ជ័យ កាលពី​វេលា​ថ្ងៃត្រង់ ទី​២៥ ខែមករា ឆ្នាំ​២០២៤ ។
– ករណី ទី​២៖ ព្រួត​គ្នា​វាយ និង​ធាក់ ហើយ​ដក​អាវុធ​ខ្លី​ភ្ជង់​ជន​រង​គ្រោះ ប្លន់​យក​ម៉ូតូ ម៉ាក​ស្តុ​ប​ពី ពណ៌​ខៀវ ០១ ​គ្រឿង និង​ទូរ​សព្ទ​ ០១ ​គ្រឿង នៅ​ចំណុច​ភូមិ​ជ័យជម្នះ សង្កាត់​ឱ​ឡោក ​ខណ្ឌ​កំ​បូល កាលពី​ថ្ងៃ​ទី​១ ខែមករា ឆ្នាំ​២០២៤ ។
– ករណី​ទី​៣៖ លួច​ម៉ូតូ​ម៉ាក​ហុងដា​ឌ្រី​ម ០១​ គ្រឿង នៅ​ចំណុច​ផ្ទះ​ជួល ភូមិ​ចុង​ថ្នល់​ខាងកើត សង្កាត់​ទឹកថ្លា ខណ្ឌ​សែន​សុខ កាលពី​ថ្ងៃ​ទី​១២ ខែមករា ឆ្នាំ​២០២៤ ។

នាយការិយាល័យ​នគរបាល​ព្រហ្ម​កម្រិត​ស្រាល បាន​បន្ថែម​ថា បន្ទាប់​ពី​ធ្វើ​សកម្មភាព ជន​រង​គ្រោះ ក៏​បាន​ទៅ​ដាក់​ពាក្យបណ្តឹង ហើយ​សមត្ថកិច្ច​ជំនាញ ក៏​បាន​ស្រាវជ្រាវ ឃាត់ខ្លួន​បានជា​បន្តបន្ទាប់ ​ចំនួន ០៥ ​នាក់​ ។ បន្ទាប់​ពី​ឃាត់ខ្លួន សមត្ថកិច្ច ក៏​បាន​ដកហូត​បាន​ម៉ូតូ​ម៉ាក​ហុងដា ០១ ​គ្រឿង របស់​ជន​រង​គ្រោះ ព្រមទាំង​ដកហូត​បាន​កន្ត្រៃ​កាត់​ដែក ០​១ ​និងដង្កាប់ ​ចំនួន ០​១ សម្រាប់​ធ្វើ​សកម្មភាព​លួច ផង​ដែរ​ ។

ក្រោយ​ពី​បង្ហាញ​មុខជា​សាធារណៈ ជនសង្ស័យ​ទាំង ០៥​ នាក់ ត្រូវ​បាន​នគរបាល​បញ្ជូន​ខ្លួន​ទៅ​អយ្យការ​អម​សាលាដំបូង​រាជធានី​ភ្នំពេញ​ ដើម្បី​ចាត់ការ​តាម​នីតិវិធីច្បាប់ ៕

94
អត្ថបទពាក់ព័ន្ធ
ក្បាលខាងលើវេបសាយ
Loading...