ក្លឹបអារ៉ាប៊ីសាអ៊ូឌីត ចាប់អារម្មណ៍ចង់ទិញ Heung-Min Son
បរទេស ៖ ក្លឹបអារ៉ាប៊ីសាអ៊ូឌីត Al Ittihad ចាប់អារម្មណ៍ចង់ទិញខ្សែប្រយុទ្ធកូរ៉េខាងត្បូងកីឡាករ Heung-Min Son ពីក្លឹបដែលមានមូលដ្ឋាននាឯរាជធានីឡុងដុង Tottenham Hotspur។
បើយោងតាមប្រភពខាងលើបានឱ្យដឹងថា ខាងអារ៉ាប៊ីសាអ៊ូឌីតចង់បានខ្សែប្រយុទ្ធកូរ៉េមួយនេះក្នុងតម្លៃប្រមាណ ៦៤លានដុល្លារសហរដ្ឋអាមេរិក ខណៈភាគី Spurs ហាក់មិនចាប់អារម្មណ៍នឹងសំណើរបស់ភាគីនៅមជ្ឈិមបូព៌ានោះឡើយ។
សូមជម្រាបថា Son បានចូលរួមជាមួយ Spurs តាំងពីឆ្នាំ២០១៥។ ចាប់តាំងពីពេលនោះមកកីឡាកររូបនេះបង្ហាញខ្លួនបាន ២៦៨ដង ហើយរកគ្រាប់បាល់បាន ១០៣គ្រាប់៕
