FC Barcelona សម្រេចផ្ទេរយកខ្សែបម្រើ Ikay Gundogan ពី Man City មកចូលរួមជាផ្លូវការ

Ilkay Gundogan នឹងចូលរួមជាមួយ Barcelona លើការផ្ទេរដោយមិនមានតម្លៃខ្លួនពីក្លឹប Manchester City នេះបើយោងតាម BBC និង Sky Sports បានរាយការណ៍កាលពីថ្ងៃពុធ (21 ខែមិថុនា) ។

Gundogan នឹងចាកចេញពី Man City បន្ទាប់ពីដឹកនាំក្លឹបអង់គ្លេសឈ្នះ Premier League, FA Cup និង Champions League កាលពីរដូវកាលមុន ដោយបញ្ចប់ជោគជ័យរយៈពេលប្រាំពីរឆ្នាំក្នុងប្រទេសអង់គ្លេស ដែលគាត់បានឈ្នះពានរង្វាន់ចំនួន 14 រួមទាំងពានរង្វាន់លីកចំនួន 5 ។

ការនាំយក Ilkay Gundogan មកចូលរួមសម្រាប់គ្រូបង្វឹក Barca លោក Xavi គឺជំនួសកន្លែង Sergio Busquets បានចាកចេញពីក្លឹបអេស្ប៉ាញបន្ទាប់ពីចំនាយពេលជាង១៨ឆ្នាំនៅទីនោះ។

ខណៈ Gundogan ចាកចេញពី Manchester City ដោយបានបង្ហាញខ្លួនច្រើនជាង 300 ដងដោយស៊ុតបញ្ចូលទីបាន 60 គ្រាប់។