ល្បែងភ្នាល់ទឹកភ្លៀងកំពុងតែក្លាយជាប្រធានបទមួយគួរឱ្យ ចាប់អារម្មណ៍របស់ប្រិយមិត្តអ្នកអាននៅចុងសប្តាហ៍នេះ

ភ្នំពេញ÷ ល្បែងភ្នាល់ចាក់ទឹកភ្លៀង ដែលគេដាក់ការសង្ស័យថាចិញ្ចឹមអធិការនគរបាលខណ្ឌ៧មករា ហេីយល្បែងទឹកភ្លៀងល្មើសច្បាប់មានទីតាំង

១-នៅចំណុចខាងជើងស្តុបអូរឫស្សី សង្កាត់អូរឫស្សីទី២ ខណ្ឌ៧មករា។

ទី២-នៅចំណុចលើស្តាតអូឡាំពិក និងទី៣-នៅចំណុចតំបន់អភិវឌ្ឈន៍បឹងកក់។

នរណាក៏បានឃើញយ៉ាងច្បាស់ក្រឡែតដែរ នូវសកម្មភាពបើកលេងយ៉ាងគគ្លើននោះ។ មួយថ្ងៃៗមានការទិញលក់តាមទូរសព្ទ័ដៃ នៅតាមតុកាហ្វេ នៅលើស្តាតអូឡាំពិកនិងនៅលើដំបូលសណ្ឋាគារ ឬខុនដូ ពាសពេញទីក្រុងភ្នំពេញ ។

ក្នុងសភាពដែលល្បែងសុីសងហុតឈាមបែបនេះអាចបើកលេងដោយរលូនគ្មានភិតភ័យ ត្រូវគេមើលឃើញថា«គោលនយោបាយ ភូមិ ឃុំ សង្កាត់ មានសុវត្ថិភាពដែលដាក់ចេញដោយក្រសួងមហាផ្ទៃនោះហាក់ត្រូវគេលែងខ្វល់ ហើយជាន់ឈ្លីដោយគ្មានខ្លាចញញើតបន្តិចសោះឡើយ។