រថយន្តសេរីទំនើប បើកបរដោយនារីស្រស់ស្អាតម្នាក់ បានប៉ះគ្នាជាមួយម៉ូតូ បណ្តាលអោយរងរបួសស្រាលម្នាក់

សៀមរាប៖ (បឋម) មានករណីគ្រោះថ្នាក់ចរាចរណ៍មួយ រវាងរថយន្តសេរីទំនើប ម៉ាកលុចហ្ស៊ីស IS200T ពាក់ផ្លាកលេខ កម្ពុជា N.R.7335 បើកបរដោយនារីស្រស់ស្អាតម្នាក់ បានប៉ះគ្នាជាមួយម៉ូតូ ម៉ាកសង់ឌ្រីម សេ១២៥ ពាក់ផ្លាកលេខ សៀមរាប 1AL-3957 បណ្តាលអោយនារីម្នាក់រងរបួសស្រាល ហើយភ្លាមត្រូវបានបញ្ជូនទៅមន្ទីរពេទ្រ ហេតុការណ៍នេះបានកើតឡើងនៅវេលាម៉ោង ១៦:៥៣នាទីល្ងាច ថ្ងៃទី០២ ខែកក្កដា ឆ្នាំ២០២៣នេះ នៅតាមបណ្តោយផ្លូវជាតិលេខ៦ ត្រង់ចំណុចទល់មុខអាប៉ូឡូផ្លាហ្សា ស្ថិតនៅក្នុងភូមិពង្រ ឃុំកន្រ្ទាំង ស្រុកប្រាសាទបាគង ខេត្តសៀមរាប។

ក្រោយកើតហេតុសមត្ថកិច្ចបានធ្វើការវាស់វែងកត់កំណត់ហេតុតាមនីតិវិធី ចំណែកម្ចាស់រថយន្តបានសម្របសម្រួលដោះស្រាយជាមួយ និងភាគីជនរងគ្រោះរួចរាល់នៅនឹងកន្លែង។