មន្រ្តីយោធាម្នាក់ បើករថយន្តម៉ាស្តា បុកបង្គោលដាក់តាមផ្លូវ រងការខូចខាតទ្រព្យសម្បត្តិសារធារណៈ

តាមប្រភពបានឲ្យដឹងថា៖ អ្នកបើកបរជាមន្រ្តីយោធាម្នាក់ មិនស្គាល់ឈ្មោះ បានបើករថយន្ត ម៉ាស្តារ ពាក់ផ្លាក់លេខ ខេមរះភូមិន្ទ០៦  ២-៤៧១៧ បានបើកបុកបង្គោលតាមផ្លូវបង្កឡើងដោយខ្លួនឯង រងការខូចខាតរថយន្តផ្នែកខាងមុខ និងដួលបង្គោលតាមផ្លូវចំនួន៣ដើម។

តាមប្រភពបានបន្តទៀតថា៖ រថយន្តម៉ាស្តា អ្នកជិះមានគ្នាចំនួន ២ទៅ៣នាក់ បានបើកបរមកពីទិសខាងជើងទៅទិសខាងត្បូង ក្នុងស្ថានភាពស្រវឹង​ មកដល់ចំណុចកើតហេតុ ក៏បានរ៉េចង្កូត ទៅបុកបង្គោលថ្មអស់ចំនួន៣បង្គោល តែមិនបណ្តាលអោយមានមនុស្សរងរបួសឡើយ។ ភ្លាមៗ បានបង្កការភ្ញាក់ផ្អើលដល់ប្រជាពលរដ្ឋ និងអ្នកសារព័ត៌មាន ថតផ្សាយនៅក្នុងករណីនេះ តែត្រូវបានម្ចាស់រថយន្តចុះមកហាមមិនអោយថត រារាំងអ្នកសារព័ត៌មានមិនអោយផ្សាយ។

ក្រោយកើតហេតុការណ៍ឃើញមានសមត្ថកិច្ចចុះមក តែមកមួយភ្លែតក៏ត្រឡប់ទៅវិញបាត់ សង្ស័យជាខ្លាចរថយន្តនោះហើយមើលទៅ ចំណែកទ្រព្យសម្បត្តិរបស់រដ្ឋរងការខូចខាត មិនទាន់ដឹងច្បាស់ថាម្ចាស់រថយន្តខាងលើទទួលខុស ត្រូវសងនៅឡើយទេ។