រុស្ស៊ី៖ យើងអាចនឹងប្រើអាវុធនុយក្លេអ៊ែរ ប្រសិនបើការវាយលុករបស់អ៊ុយក្រែនទទួលបានជោគជ័យ

94
0 868

មូស្គូ៖ អតីតប្រធានាធិបតីរុស្ស៉ី លោក ឌីមីទ្រី មេដវេដេវ (Dmitry Medvedev) បាននិយាយថាទីក្រុងមូស្គូ អាចនឹងប្រើអាវុធនុយក្លេអ៊ែរ ប្រសិនបើប្រតិបត្តិការវាយបករបស់អ៊ុយក្រែនទទួលបានជោគជ័យ។

អ៊ុយក្រែន បច្ចុប្បន្ន កំពុងបើកប្រតិបត្តិវាយបក ដើម្បីដណ្ដើមយកទឹកដីរបស់ខ្លួនដែលកងទ័ពរុស្ស៉ីកំពុងកាន់កាប់ ក្នុងតំបន់ភាគខាងត្បូង និងភាគខាងកើតនៃប្រទេស។ ប្រតិបត្តិការវាយបកនេះទោះបីជាមានភាពយឺតយ៉ាវជាងការរំពឹងទុក តែកងកម្លាំងអ៊ុយក្រែននៅតែអាចដណ្ដើមបានទឹកដីមួយចំនួន របស់ខ្លួនមកវិញ និងបើទោះជាលោក ពូទីន ធ្លាប់បានព្រលយសម្ដីដែរថាប្រតិបត្តិការវាយបករបស់អ៊ុយក្រែនបានទទួលបរាជ័យ ក៏ដោយ។

94 free

នៅក្នុងសារបង្ហោះលើគណនីបណ្ដាញទំនាក់ទំនងសង្គមរបស់ខ្លួន លោក មេដវេដេវ បានសង្កត់ធ្ងន់ថារុស្ស៉ីនឹងត្រូវបង្ខំចិត្តងាកទៅរកអាវុធនុយក្លេអ៊ែរ ប្រសិនបើ សេណារីយ៉ូដែលប្រតិបត្តិការវាយបករបស់អ៊ុយក្រែន ពិតជាទទួលបានជោគជ័យ កើតឡើងមែននោះ។ អតីតប្រធានាធិបតីរុស្ស៉ីរូបនេះបានគូសបញ្ជាក់ដូច្នេះថា «សាកស្រម៉ៃមើល…ប្រសិនបើការវាយលុកដែលគាំទ្រដោយ NATO ទទួលបានជោគជ័យ ហើយពួកគេពុះចែកផែ្នកមួយនៃទឹកដីរបស់យើង នោះយើងនឹង ត្រូវបង្ខំចិត្តប្រើអាវុធនុយក្លេអ៊ែរ អនុលោមតាមបទបញ្ជានៃក្រឹត្យរបស់លោកប្រធានាធិបតី (ពូទីន)»។

លោក មេដវេដេវ បានបន្ថែមថា «វានឹងមិនមានជម្រើសងាយស្រួលផ្សេងពីនេះទេ។ ដូច្នេះសត្រូវរបស់យើងគួរតែបន់ឱ្យអ្នកចម្បាំងរបស់យើងទទួលជោគជ័យ ដើម្បីអាចធានាបានថាសង្រ្គាមនុយក្លេអ៊ែរនឹងមិនផ្ទុះឡើង»៕

FILE PHOTO: Deputy head of Russia’s Security Council Dmitry Medvedev attends a meeting with officials and employees of the military industrial corporation “Scientific and Production Machine Building Association” in the town of Reutov in the Moscow region, Russia, April 25, 2023. Sputnik/Yekaterina Shtukina/Pool via REUTERS /File Photo
94
អត្ថបទពាក់ព័ន្ធ
ក្បាលខាងលើវេបសាយ
Loading...