Dembele ព្រមចូលរួមជាមួយ PSG លើកិច្ចសន្យារយៈពេល៥ឆ្នាំ
បរទេស៖ កីឡាករសញ្ជាតិបារាំង Ousmane Dembele គ្រោងនឹងត្រឡបប់មកស្រុកកំណើតវិញ បន្ទាប់ពីបានយល់ព្រមលើកិច្ចសន្យារយៈពេល៥ ឆ្នាំជាមួយក្លឹប Paris Saint-Germain ហើយគ្រោងនឹងចាកចេញពីក្លឹប Barcelona ទៅកាន់រដ្ឋធានីរបស់ប្រទេសបារាំងក្នុងប៉ុន្មានសប្តាហ៍ខាងមុខនេះ។
យោងតាមរបាយការណ៍ចុងក្រោយ PSG ហ៊ានឲ្យថ្លៃផ្ទេរប្រមាណ ៥០ លានអឺរ៉ូ ខណៈ Barcelona ចង់ទារថ្លៃជាងនេះ។
Dembele បានមកចូលរួមជាមួយ Barca ពី Borussia Dortmundកាលពីឆ្នាំ ២០១៧ ក្នុងតម្លៃផ្ទេរប្រមាណ ១០៥ លានអឺរ៉ូ។ ពេលវេលាជាង ៦ ឆ្នាំនៅ Barcelona មានឡើងមានចុះសម្រាប់កីឡាកររូបនេះ ដោយពើបប្រទះនឹងបញ្ហារបួសច្រើន។ កីឡាករបារាំងវ័យ ២៦ ឆ្នាំលេងឲ្យយក្សអេស្ប៉ាញសរុប ១៨៥ ប្រកួត និងស៊ុតចូល ៤០ គ្រាប់៕
