ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត៖ អ្នកណាចង់ឈ្លោះជាមួយខ្ញុំ ចាំតិចទៀតឈ្លោះ ជាមួយអ្នកនាំពាក្យខ្ញុំ

ភ្នំពេញ៖ ក្នុងថ្ងៃបើកឆាកជាលើកដំបូង ជួបសំណេះសំណាលជាមួយកម្មករ នៅព្រឹកថ្ងៃ២៩ សីហា ក្រោយឡើងកាន់តំណែងជានាយករដ្ឋមន្រ្តី ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានផ្តាំសារផ្ញើទៅមនុស្សមួយចំនួន ចង់ឈ្លោះជាមួយឯកឧត្តមនោះ អាចរង់ចាំបន្តិចទៀតបាន ដោយចាំឈ្លោះជាមួយអ្នកនាំពាក្យរបស់ឯកឧត្តមទៅ។

ថ្លែងនៅក្នុងជំនួបជាមួយនឹងកម្មករប្រមាណ ១ម៉ឺន ៨ពាន់នាក់ នៅក្នុងខណ្ឌពោធិ៍សែនជ័យរាជធានីភ្នំពេញ ព្រឹកថ្ងៃអង្គារ ទី២៩ ខែសីហានេះ បណ្ឌិត ហ៊ុន ម៉ាណែត បានថ្លែងថាការបង្កើតអ្នកនាំពាក្យនាយករដ្ឋមន្ត្រីគឺដើម្បីឆ្លើយតបទៅនឹងការវាយប្រហារលើរូបឯកឧត្តម និងជំរុញដល់ក្រុមដែលចង់វាយប្រហារមកលើរូបលោកបើចង់ឈ្លោះសូមទាក់ទងទៅអ្នកនាំពាក្យនាយករដ្ឋមន្ត្រី។

ឯកឧត្តម ហ៊ុន ម៉ាណែត បានបញ្ជាក់ថាពេលវេលារបស់ឯកឧត្តមគឺសម្រាប់តែប្រជាពលរដ្ឋខ្មែរប៉ុណ្ណោះ៕