តើអាចទេ? គួរផ្តល់ភាពស្របច្បាប់ដល់នារីរកស៊ីផ្លូវភេទ ដើម្បីទាក់ទាញភ្ញៀវទេសចរបរទេសមកលេងកម្ពុជា
លោកបានលើកឡើងថា កន្លងមក មានភ្ញៀវទេសចរខ្លះសួរនាំពីកញ្ចប់សេវាផ្លូវភេទនៅកម្ពុជា ។ លោកថា ៖« ទេសចរបារាំងដែលមានវ័យចំណាស់ តែងរស់បែកគ្នា ដូច្នេះដំណើរកម្សាន្តរបស់ពួកគេតែងស្វែងរក ដៃគូបន្ថែម » ។
លោកបានស្នើឱ្យរដ្ឋពិចារណារៀបចំកញ្ចប់ទេសចរផ្លូវភេទដែលស្របច្បាប់ និងមានការគ្រប់គ្រងត្រឹមត្រូវ ដែលលោកយល់ថាអាចទាញចំណូលជូនជាតិមួយផ្នែកផង។ តាមការមើលឃើញរបស់លោក សារ៉ន កន្លងមក ទោះមិនមានច្បាប់អនុញ្ញាតត្រឹមត្រូវ សេវាផ្លូវភេទបានកើតមាន និងពេលខ្លះធ្វើឱ្យបាត់បង់សណ្ដាប់ធ្នាប់សាធារណៈ និងបង្កជាជំងឺឆ្លងផ្សេងៗផងដែរ។ ដូច្នេះការរៀបចំឱ្យមានច្បាប់ទម្លាប់ និងមានអ្នកគ្រប់គ្រងត្រឹមត្រូវ ប្រហែលអាចកាត់បន្ថយបញ្ហាទាំងនោះបាន និងថែមទាញចំណូលចូលជាតិបានទៀត ។
លោកបន្ថែមថា យើងមិនមានកញ្ចប់សេវាកម្មនេះក៏ពិតមែន ប៉ុន្តែជារឿយៗ យើងឃើញសមត្ថកិច្ចចុះបង្ក្រាបនារីរកស៊ីផ្លូវភេទនៅតាមផ្លូវវេងនិងវត្តភ្នំជាដើម ដូច្នេះបើសិនជាយើងប្រមូលពួកគាត់ហើយរៀបចំឱ្យមានសណ្ដាប់ធ្នាប់ លោកគិតថាវាបានចំណូលដល់ជាតិផង និងទាក់ទាញទេសចរផង ។ យ៉ាងណានេះគ្រាន់តែជាការលើកឡើងរបស់លោកប៉ុណ្ណោះ ដោយលោកមិនបានតម្រូវថាត្រូវតែមាននោះទេ ។
យ៉ាងណាក្ដីប្រទេសកម្ពុជាប្រកាន់ខ្ជាប់នូវប្រពៃណីទំនៀមទម្លាប់ ហើយកន្លងមកកម្ពុជាមិនដែលបើកចំហរលើសេវាកម្មមួយនេះដល់ភ្ញៀវទេសចរនោះទេ ខណៈប្រទេសថៃគេបានបើកចំហរនិងទាក់ទាញភ្ញៀវទេសចរចម្រុះជាតិសាសន៍ ទាំងចិន និងអឺរ៉ុប ៕
